我和她的事情

   从我地相识到衣家不经不觉已经有年多时间,当中关于我地嘅回忆,每一个片断都值得人回味。

  第一次见你系旧年嘅春天,记得果晚影嘅10几张贴纸相里面,每一张相嘅布景都系经你精挑细选而离,而已每一张都至少要拍3次你先肯收货。虽然戏外人眼里系无办法系相里面调皮嘅外表体会到离份心思,但至少每一个剪影留比我嘅都系你最完美嘅一面,都系好美好嘅第一印象。

  无谂到第二次见你要等到旧年仲夏嘅雨季,你想落大良果晚落左场雨,于是又因此再等左一个星期。果晚食完饭你争住要埋单,第一次有女仔同我争,而且结果仲系比你赢左我。果时候嘅你真系令我眼前一亮,你真系同其他女仔唔同。食完饭之后你话要去少年宫玩新奇刺激嘅野。少年宫有我好多童年嘅回忆,但系残留落离嘅就只系剩返果条满布锈迹嘅滑梯。不过衣家多左样令我毕生难忘嘅“高空捞月”。比佢倒头转左10个圈再反过头离倒头转多10个圈之后真系当场晕得一阵阵作呕作闷,你仲差d差错脚碌落楼梯添。不过只要你开心,辛苦个钟头都系值得嘅。

  旧年重阳节晚上,你心情唔好落离大良散心,我谂我地嘅相识正好始于你人生其中一段失意嘅时候。果晚我地去左行凤岭公园,我甘大个仔都系第一次重阳节登高。我地系山顶嘅凤鸣阁最高层企左成个钟头,俯瞰脚底下嘅大良,遥望远处嘅勒流,谈论你嘅理想同以后嘅前途。你已经考虑得好长远,一早已经谂好两年之后你会系边度,同做紧d乜野。我唔想你走得太远,最好系家乡顺德可以实现到你嘅梦想。不过我会尊重你嘅决定,衷心希望两年之后我地都仲系好似衣家甘好,经得起年月消磨。

  旧年年底你话要陪我过生日,虽然后离未能够如愿可以系生日果日见到你,但系能够听到你系异地漫游到耳边嘅祝福同问候已经深感安慰。

  虽然你嘅生日礼物已经提前一个星期寄出,但系最后偏偏仲系过生日两日先收到。不过有心唔怕迟,何况几日嘅光阴相对以后嘅慢慢长路唔算得系乜野。离份系我近20年离第一份收到嘅生日礼物,怀住好兴奋嘅心情将你第一次写比我嘅信睇完一次又一次,去感受你嘅喜悦,感激你嘅心意,接受你嘅祝福。你送比我嘅外套,自从入冬以离我都有着,用你送比我嘅温暖去度过以后嘅每一个寒冬。

  我生日之后一个星期你翻顺德经过大良顺路离稳我,可惜果时候我小灵通坏左,成个星期都无用电话,令你系甘白等左一晚。似乎我地欠缺嘅就系缘分,每次都错过左好时辰。但系相信一切都系事在人为,我始终唔会信有天意。虽然每一次都离得唔及时,但点都唔算离得太晚。迟来,都每次见面都有惊喜。几日之后你终于打通左我个电话,我话过几日星期6要去勒流揾你。识你甘耐先第一次揾你玩,其实我自己都好应该多d得闲去勒流揾下你。

  星期6果日刚刚起身,电脑未离得及开就接到你电话。你话今日训过龙,刚刚请左日假今日唔去上班。我同你讲我去同个小灵通冲值先,之后食完饭就离揾你。望下个钟都快12点啦,于是立即行动。果日你带我嘅地方都系以前未去过,系阳光明媚嘅天底下我地行左一段海堤。之后你带我去龙江行盈信广场,入左里面间麦当劳,系中间张圆桌食雪糕,估唔到未去过勒流间麦当劳就去龙江间先。之后上左三楼睇左下《伊索寓言》,又落返1楼继续行。你经过见到d心型波板糖好中意,买左4块。一块比你自己,一块比我,一块比盈信广场里面做嘅一个朋友,一个比红红。红红后离将块波板糖压裂左,你讲笑甘话真系好心碎。之后我地翻左勒流,去西餐厅食饭。食完饭之后,你带去我去食章鱼小丸子。食完真系好饱,你话要送红红返屋企再送我去搭车,顺便散下步消化下。但系未行到红红屋企就改变主意要走返转头送我去搭车先,再送红红返屋企。

  今年第一次见你系系上个星期3,你比电话我话心情唔好,自己一个人系凤岭公园行紧山。本来我谂住剃须之后就出离陪你吹吹风。不过我离到正想上山嘅时候,你系电话里面讲我知你已经落左山。1月份甘冻,你又着得甘单薄,我谂你等得我离都变雪条罗。本来你已经食过晚饭,但系都仲系陪我去食多次。你叫我唔好去d甘贵嘅地方食野,其实你都已经讲过好多次,又其实我自己平时都系清茶淡饭。不过如果你可以食得开心d嘅话,我情愿使多d钱。果晚你带左我去东苑张螃蟹隔离果间食辣,比去麦当劳同西餐厅都便好多,辣好多啦。

  听日你生日,无乜贵重嘅野可以送比你,就系离度将你比我嘅回忆同对你嘅感觉全部回赠比你。份礼物系我同我同事琴晚拣架,请你笑纳啦。你话过要系农历年之后搬出离大良定居,离开家人同屋企自立出去。所以首先要系度祝你前程锦绣,展翅高飞!最后祝你生日快乐,身体健康,青春常驻!

  此致

2008年1月26日凌晨

辉 上

Advertisements

我和她的事情”的一个响应

  1. 你噶叙述,表现出噶在意。
    5知道你个人系点,只知道异地感情一向系最辛苦噶,况且,关系未确定~

评论已关闭。